Já já mikið rosalega er ég nú orðin gömul - farin að tala um þetta "unga fólk" En svona er þetta nú samt. Þegar ég var yngri var mér kennt að bera viðringu fyrir öðru fólki - og þá sérstaklega því sem eldra er. En samkvæmt fréttum um árásir í Breiðholti og í Reykjanesbæ - þá virðist þetta eitthvað vera á undanhaldi.
 En hvað hefur þá breyst svona svakalega er fólk bara að liðast í sundur andlega eða er langvarandi athyglis og agaleysi á börnum að koma í ljós? Ég veit ekki með ykkur hin, en ég hef tekið eftir taka eftir stigvaxandi virðingar og skeytingaleysi hjá unglingum í gegnum árin. Man t.d. þegar ég bjó á Selfossi 2002 (23ja ára) og það var unglingur að labba á gangstétt hinu megin við götuna sem kallaði einhvern óþverra orð að gamalli konu...alveg upp úr þurru. og nú í dag eru unglingar oft labbandi um "öskrandi eins og geðsjúklingar" eins og einn sem ég þekki orðaði það.
Á mínu heimili eru börnin ávítuð ef þau eru að tala við hvort annað af vanvirðingu - því þú átt ekki að tala svona við nokkurt fólk, hvort sem um er að ræða jafningja þinn, eða einhvern sem er þér minni eða meiri! Það þarf að innræta börnum virðingu fyrir sjálfum sér - og öðrum. Einn löngu látinn maður sagði eitthvað á þá leið að "það sem þú vilt að aðrir gjöri yður, það skuluð þið þeim og þér gjöra" - já hann Sússi var alveg með hlutina á hreinu þá, svo því er þetta eitthvað að vefjast fyrir fólki núna?

Ég velti því fyrir mér hvort fólk sé að láta börnin meira eða minna "sjá um sig sjálf" og ætlast svo til þess að skólinn ali börnin upp fyrir þau. Mér finnst þetta fáránlegt, en það má vel vera að þetta viðgangist. Það er nefnilega oft sem að það er bent á skólann - ekki foreldrana, ef börn eru til vandræða. Og það er alveg fáránlegt! Síðast þegar ég vissi var ekki allt flæðandi um af fjármagni og úrræðum til að siða til heilu árgangana í skólakerfinu. Þó svo að skólar eigi að halda upp aga, þá þurfa foreldrar að gera börnin móttækileg fyrir því heima fyrir.
Svo benda sumir á internetið, tölvuleiki og bíómyndir  - að þar liggi hundurinn grafinn. En mín skoðun er sú að en ef þú ert með börn í "lausagangi" þá geta þau tekið upp og leikið eftir það sem þau sjá í bíómyndum og töluvleikjum án þess að nokkur geri eitthvað í málinu. En ef að börnunum er kennt hvað sé raunverulegt og hvað ekki, sem og hvað sé ásættanleg hegðun og hvað ekki... þá á þetta ekki að vera vandamál.

Þó svo að ég sé svolítið að mála skrattann á veggin hérna þá er ég allt ekki að segja að öll börn séu upp til hópa agalausir vandræða seggir - en það eru svona einstaklingar inn á milli, sem geta svo því miður smitað út frá sér. En já... hvað finnst þér um þetta - er ég alveg að blása allt úr samhengi og gera úlfalda úr mýflugu? Eða er eitthvað til í þessu hjá mér???

Ég bara spyr....

Af hverju fá þingmenn, ráðherrar og svoleiðis lið bara nefnd sem ákveður laun þeirra, án þess að þurfa að setjast að samningaborði eins og við hin. Kíkiði á þessa frétt. Þarna segir m.a. eftirfarandi: "...þingfararkaup er nú rúmar 562 þúsund krónur, ráðherralaun 992 þúsund krónur að undanskildum forsætisráðherra sem er með tæpa 1,1 milljón í mánaðarlaun. Forseti Íslands fær eftir breytingarnar um 1.830 þúsund krónur í laun á mánuði."

Og á sama tíma eru grunnlaun menntaðra lífeindafræðinga LSH ekki einu sinni upp í 200 þúsund kallinn, ekki frekar en hjá leikskólakennurum eða öðrum stéttum.... fáránlegt...

Já you guessed it... ég er ekki rík þessa dagana... and I don't like it

Ó já hvað mér finnst þetta vera málið. Komið nóg af því að fólk ætlist bara til þess að ríki og bær ali upp börnin þeirra og fari sjálft að hugsa um aga og mótun sinna barna. Þetta er allaveganna að virka í Noregi.
Þó svo að þetta sé nú ekki að hafa mikið að segja hérna fyrir vestan - en hver veit hvað framtíðin ber í skauti sér.

Svo er líka komin miðlunartillaga hjá ríki og ljósmæðrum - vona að það gangi eftir

Jæja... back to work.

Fyrirgefiði hvað ég hef verið lengi fjarverandi. Ætla að skrifa síðar um mína hagi. En ég bara varð að benda ykkur á ótrúlegt mál sem var fjallað um í Vísi í kvöld. Ég er ekki að grínast þegar ég segi að þetta er ekki fyrir litlar eða viðkvæmar sálir. Ef þú vilt vita meira, þá er upprunalega greinin hérna.

Ég er hálf dofin inni í mér... meira síðar...